الأسئلة الشائعة

كل صنايعي بيقدّم طلب انضمام فيه هويته الشخصية ورقمه الوطني وصورة وثيقة رسمية، وفريقنا بيراجعها خلال ٢٤ ساعة قبل ما يظهر بالتطبيق. العلامة الزرقاء ✅ ما بتظهر إلا بعد هالمراجعة.

لأ — صنايعي ما بياخد أو يحوّل مصاري بين الطرفين. الاتفاق المالي (عربون + المبلغ النهائي) بيصير مباشرة بين المستخدم والصنايعي، كاش أو عبر كليك، وكل مرحلة بتنوثّق بصورة داخل التطبيق لحماية الطرفين. التطبيق بس بياخد عمولته من الصنايعي على الخدمة.

تقدر تعمل بلاغ فوري من داخل التطبيق. فريقنا بيراجع البلاغ، وبيقدر يجمّد أي مبلغ مستحق لحد ما يتحل النزاع. لو البلاغ تأكد، منسترجعلك حقك (كرصيد بالمحفظة تقدر تستخدمه بطلبك الجاي)، ولو تكرر الخطأ من نفس الصنايعي ٣ مرات مؤكدة، بيتحظر تلقائياً من المنصة.

العربون مبلغ بسيط بتتفقوا عليه (اختياري) لتأكيد الحجز قبل ما يوصل الصنايعي. الدفعة النهائية هي باقي المبلغ بعد ما ينتهي الشغل. كل مرحلة فيها إثبات دفع بصورة تحفظ لكلا الطرفين.

بياناتك محفوظة على Supabase (بنية تحتية سحابية آمنة)، وما منشاركها مع أي طرف ثالث لأغراض تسويقية. راجع صفحة سياسة الخصوصية للتفاصيل الكاملة.

بمجرد ما ينتهي الطلب، بيتولّد عقد عمل تلقائي فيه كل التفاصيل (المبلغ، طريقة الدفع، وصف الخدمة) ومحفوظ عندك وعند الصنايعي، ونسخة دائمة عند صنايعي كمرجع لو احتجتوها لاحقاً.

لأ، التسجيل مجاني بالكامل. صنايعي بياخد عمولة بسيطة (١٠–١٥٪) بس على الطلبات المنجزة فعلياً.